(يبه شلونك ؟
ملل هـ الكون من دونك
يبه شلونك ؟؟
وتمضي رحلة الدنيا
بليا طلة عيونك..
يبه شلونك ؟؟
وشلون المرض وياك ؟؟
بعد ما هدك بدنياك
عسا ما تغمض جفونك ؟؟
تبي تدري عن أحبابك ؟؟
عن عيون تغنابك ؟؟
عن قلوب ٍ دفنها الشوق ..
واذا جاها الغفا جابك ..
يبه كلنا نتخيلك دوم..
نغني لك مع القمرا ..
يبه واللي خذاك بيوم
وخلى بداخلي جمرا ..
خذا .. ويا ما خذا..ويا ما..
خذا ناس يحبونك
.........................
يبه حنا غدينا كبار ..
تخرجنا وتوظفنا ..
يبه ما عاد فيه صغار ..
يموج بـ هـ الزمن كل شى ..
وحنا ما تموجنا ..
على ذاك العهد نسري..
نبيع العمر والدنيا ..
ولا تخلف بنا ظنونك
يبه شلونك ؟؟
تبي تدري عن أخباري ؟؟
عن أفكاري وتذكاري ؟؟
اشيلك داخلي جمره..
وبعيون الحزن عبره..
تغرقني ..وتحرقني..
أشوفك نجمة ٍ تجبر
مراعيها يراعيها ..
أشوفك للرجولة اسم.
أذا شد الزمن تقسى ..
واحلم من معاني الحلم ..
أحسبك مقبل ٍ بكره
وعيّا لا يجي بكره
يبه تذكر مجالسنا ؟
ومقلطنا ومجلسنا ؟
وحارتنا ومسجدنا ؟
لأجل هذا ...
وكل هذا ...
أقووووول اليوم يا بيي ..
ملل هـ الكون من دونك ....
أقووووول اليوم يا بيي ..
ملل هـ الكون من دونك ....)
منقــ وــل
تحيـ ـ تي
موضوع: *(يبه اشلونك )*روعة 
السبت مايو 17, 2008 12:38 pm
