يكفيني تعب

موضوع: يكفيني تعب الثلاثاء أغسطس 12, 2008 1:08 pm

تصدق ولا ماتصدق انا عاجز عن التفكير
تعال وشوف في عيني غيابك وش عمل فيني
حبيبي مابقى عندي صبر يتحمل التاخير
رحلت وعقبك الدنيا غلاها طاح من عيني
اجاوب اللي يسالني عن اخباري واقول بخير
وانا لاخير بغيابك ولا حاجه تهنيني
على طاريك كل لحظه ولا احتاج للتذكير
حريص القلب ماينسى عيونك لاتوصيني
محد يقدر يعوضني لانك في عيوني غير
ومهما شفت انا الفرحه بدونك ماتسليني
وكيف الحال وشلونك جواب مايبي تفسير
بدونك انت ماتضحك حياتي وترمش سنيني
مثل شاعر عجز يوصف شعورة وخانه التعبير
انا ضايع ولا ادري من فراقك انا ويني
مثل طير كسر بعدك جناحه وماقدرت اطير
احاول ابتسم وانسى ولكن وش ينسيني
اشوفك في صباحي انت معنى ياصباح الخير
واشوفك في مسائي حلم وردي لاتصحيني
تصدق السهر يرسم عيوني ويتقن التصوير
ويشق النور من صفحة حياتي ومايلاقيني
انام شلون ومشكلتي عجزت القى لها تدبير
طلبت النوم لحظاته وعيا النوم يعطيني
تغير وجهي من اول غيابك وابتدا التاثير
حبيبي من التعب كافي خذيت اللي يكفيني