قصة في قصيدة..بس رووووووعة

السلام عليكم ورحمهـ الله وبركاتهـ

هذي بنت كانت تطالع واحد بعين قويهـ

لكن الرجال طلع شاعر وقال فيها كم بيت عشان تتأدب ..

بس .. العجلهـ ميب زينهـ

تابعوا القصيدهـ وتعرفون السالفهـ ..
.

.

.

كل شبر بهالوسعيهـ ملكـ ربي تعلمين
وأعلم إن اللي خلقني هو خلق لكـ هالعيون ..

لكن أنتي من جلستي وأنتي فيني تحدقين
كن ما بهـ ناس غيري بهالكراسي يجلسون ..

لو سمحتي عاد أسمعي وحتى لو ماتسمحين
المهم اللي بقولهـ تسمعينهـ ويسمعون ..

ع الأقل ليا نظرتكـ سوي روحكـ تستحين
غضي طرفكـ مثل غيركـ خوف ربعي يلمحون ..

الركادهـ عاد زينهـ والحياء في البنت زين
وفيكـ جازم لاركادهـ ولاحياء يذكرون ..

تعرفيني ؟.. أعرفكـ ؟.. ماأذكر إنا ملتقين
لا أعرفكـ من تكوني ولا تعرفي من أكون ..

وإطمأني إن كان قصدكـ بس فيني تشبهين
ما هو أنا إلي تعرفيهـ والبشر يتشابهون ..

ما دريتي من التشابهـ يخلق الله أربعين
وأعرف أربع يشبهنكـ بس والله يستحون ..

وإن كان قصدكـ شي ثاني عاد قولي وش تبين
خايف إنا نصير فرجهـ واللي ماشتروا يتفرجون ..

وإذا ببالكـ عاجبتني لا يحوشكـ تحلمين
صح ربعي من جمالكـ فيكـ صار يمدحون ..

بس وش لي في حلاتكـ دام فيها ترخصين
حشمهـ البنت وحياها والكرامهـ يلفتون ..

ولو توفر فيكـ هذا مع حلاتك تبشرين
ما هو أنا ألف غيري باب بيتكـ يطرقون ..

وش علامكـ رغم كل اللي أقولهـ وتسكتين
مو طبيعي هالسكوت وهالبرود وهالسكون ..

أنتي خرسا ؟.. أسألكـ والا منتي تسمعين ؟؟
قالوا ربعي ذي كفيفهـ قلت لا لا تمزحون ..

لين شفتكـ يوم رحتي يمسكونكـ باليدين
ما دريت إلا عيوني أربع أربع يذرفون ..

آهـ ياني منهـ مشهد يوم شفتكـ ترحلين
جيت أشوف عيون ربعي لقيت الكل يدمعون ..

قلت سنّة هالحياهـ واحنا ترانا مؤمنين
الله اللي مسيّرنّا بين كاف وبين نون ..

وكل أبونا نختلف مع إننا من أصل طين
سبحان يلي مصورنا ولله في خلقهـ شؤون ..

يعني حنا كل أبونا عاد أسمنا بنادمين
وليا قضى ربكـ أمر وقال لهـ كن فيكون ..

فينا يلي رازقهـ خير رب العالمين
وفينا يلي هو لعطفهـ بحاجهـ القلب الحنون ..

وفينا يلي ماشكى من علةٍ كالآخرين
صمٌ وبكمٌ وعميٌ فهم لا يفقهون ..

بس قليل عاد فينا للنعم هم شاكرين
والله يرزق هالخلايق من حيث هم لايعلمون ..

وتدري عاد يالكفيفهـ حنا تراى متشابهين
وإن ماانعمت أبصارنا قلوبنا هم اللي يعتمون ..

يالكفيفهـ يالعفيفهـ إن قلت آسف تقبلين ؟؟
يغفر الله ذنوب عبدهـ ليا خطا وهل تغفرون ؟؟..

.

.

.

وسلامتكم ..

:( ^{مسكينه البنت الحمد الله احنا عايشن بنعمه ما نحس با النعمه الين نفقدها}

^{حلو الشعر}
مشكوره ^(مرهفه)

^{تقبلي مروري} (همسات)

واااااااااااااي ماتوقعت النهاية كذا
بصراحة انا قرأت قصة مشابهة لمضمون هالشعر
مشكورة يامرهفة على هالموضوع flower

اختي..همسات..

تحلى أيامك حبيبتي..

بس مو انا اللي كاتبته :D

اختك..
مرهفة الاحساس

اختي..نبض السكون..

شكرا لك غاليتي على مرورك الجميل..

أنرتي صفحتي بطلتك الحلوة..

اختك..
مرهفة الاحساس

قصة رائعة..لم أتوقع أن تكون النهاية مأساوية..

يعطيك العافية اخت مرهفة الاحساس